യൂറോപ്പില് ഇതാദ്യമായി ശാലോം മിനിസ്ട്രീസ് ഒരുക്കുന്ന ത്രിദിന റെസിഡെന്ഷ്യല് ധ്യാനം 'ശാലോം റെസിഡെന്ഷ്യല് ഫെസ്റ്റിവല്' മെയ് 16 മുതല് 18 വരെ നോര്ത്ത് വെയില്സിലെ കെഫിന്ലീ പാര്ക്ക് കണ്വന്ഷന് സെന്ററില് നടക്കും. 'അങ്ങു മാത്രമാണ് കര്ത്താവെന്നു ഭൂമിയിലെ സകല രാജ്യങ്ങളും അറിയട്ടെ...'(ഏശയ്യ37:20) എന്ന ദൈവവചനമാണ് ശാലോം റെസിഡെന്ഷ്യല് ഫെസ്റ്റിവലിന്റെ അടയാളവാക്യം. ശാലോം മിനിസ്ട്രീസ് ചെയര്മാന് ഷെവലിയര് ബെന്നി പുന്നത്തറ, ശാലോം സ്പിരിച്വല് ഡയറക്ടര് ഫാ: റോയ് പാലാട്ടി സിഎംഐ, ഡോ. ജോണ് ഡി തുടങ്ങിയവര് വചനം പങ്കുവയ്ക്കും.മെയ് 16 രാവിലെ പത്തുമുതല് മെയ് 18 വൈകുന്നേരം നാലുവരെയാണ് ധ്യാനപരിപാടികള്. കൊച്ചുകുട്ടികള്ക്കായി 'ബേബി സിറ്റിംഗ്' സൗകര്യം ഏര്പ്പെടുത്തുന്നതു കൊണ്ട് മാതാപിതാക്കള്ക്ക് ധ്യാനത്തില് പൂര്ണമായി ശ്രദ്ധചെലുത്താന് കഴിയും. കുട്ടികള്ക്കും യുവാക്കള്ക്കുമായി പ്രത്യേകം സെഷനുകള് ഉണ്ടാവും. 13 വയസിനു മേല് പ്രായമുള്ളവര്ക്ക് 125 പൗണ്ടും 11 - 13 പ്രായക്കാര്ക്കു 90 പൗണ്ടും 3 - 10 വയസുകാര്ക്കു 65 പൌണ്ടുമാണ് രജിസ്ട്രേഷന് ഫീസ്. മാധ്യമങ്ങളിലൂടെ സുവിശേഷം പ്രസംഗിച്ചുകൊണ്ടിരിക്കുന്ന ശാലോം ശുശ്രൂഷകളില് സഹകരിച്ചു പ്രവര്ത്തിക്കാന് ഈ അവസരം പ്രയോജനപ്പെടുത്താം. കഴിഞ്ഞ ഇരുപതു വര്ഷത്തിലേറെയായി ടെലിവിഷന് ഉള്പ്പെടെയുള്ള മാധ്യമങ്ങളിലൂടെ സുവിശേഷം പ്രസംഗിച്ചുകൊണ്ടിരിക്കുന്ന ശുശ്രൂഷയാണ് ശാലോം. പെരുവണ്ണാമൂഴി എന്ന കുഗ്രാമത്തില് ആരംഭിച്ച ഈ ശുശ്രൂഷയിലൂടെ ഇപ്പോള് 123 രാജ്യങ്ങളില് വചനം പങ്കുവയ്ക്കപ്പെടുന്നു. അനേകരെ രക്ഷയിലേക്കു നയിച്ചുകൊണ്ടിരിക്കുന്ന ശാലോം കൂട്ടായ്മയിലേക്ക് ഹൃദയപൂര്വം സ്വാഗതം. മുന്കൂട്ടി പേര് രജിസ്റ്റര് ചെയ്യുന്നവര്ക്ക് മാത്രമേ ധ്യാനത്തില് പ്രവേശനം ലഭിക്കൂ.
ശാലോം വെബ്സൈറ്റ് വഴി രജിസ്ട്രേഷന് നടത്താൻ: http://shalomus.org/ukfetsreg.php
കൂടുതല് വിവരങ്ങള്ക്ക്:
ശാലോം ഓഫീസ്: 0203514 1275
സിബി തോമസ്: 07988996412
രാജു ജോസ്: 07939 945138
ഡോണ മേരി ജോസ്: 07585 767676